بقلم ـ جيهان فخري
ايه ده شكلك اتغير انت تخنتى اوى لازم تخسي
ايه ده خسيت اوى انت جالك سكر
ايه يا بنتى فين حلاوتك كنتى زمان قمر
معقول حمل وولاده يخليكى كدا كبرتى ميت سنه
حبيبتى ايه اللى فى وشك ده لا لازم تشوفى حل البقع دى معديه
شوفت بياضها ساقع ولا السمره دى اتحرقت امته
شوفى شعرها خشن اوى وشكلها وحش
الولد وحش لمين انت وباباه حلوين
البنت متأخره اوى اللى قدها مشى وسنن واتكلم بنتك فيها حاجه
واحيانا مقارنه بين اطفال العيله والجيران مين شاطر ومين حلو واحنا بندمر جيل بجهلنا
وطبعا كلام كتير بيتقال فى حق ناس معملوش نفسهم ولا ليهم يد فى خلقتهم
واللى بيتصاب بمرض سمح بيه ربنا هو ايه زنبه
بنعلق ونمشى ونسيب الناس ومش عارفين عملنا ايه فى نفسيتم كلامنا ممكن يوصل للموت والانطواء وحالات نفسيه ممكن توصل للعزله والاكتئاب كفايا حرام
لا للكلمه التى تطعن بسيف مسنون داخل نفس ليس لها يد فى خلقتها بل هى من صنع الخالق سبحانه يخلق كما يشاء فبكلمه تجبر الخاطر وتطيب القلوب وبكلمه تقتل نفس حرم الله قتلها
ليست هناك تعليقات:
إرسال تعليق