متابعة ـ مرثــــــا سليمان
انتي صح
بس عايشه في مجتمع طبعه السذاجه
مجتمع أصلا مريض فقير وناقصه الف حاجة
مجتمع شايف البنات ملهاش لزوم
مجتمع فيه الانوثه عبارة عن جسم وهدوم
ويقولك صوتها عورة
يحرموها من أي حق
واما يوم حبت تطالب
يخرسوها بالف لأ
يادي الخيبه فعلا خيبة
نسيوا إن ألأنثي كائن هو منبع الطيابه
مش بقول إنك غلط ومش قصدي تعيشي في كأبه
بس أنا بحزن لما بشوفك ورده جميله في وسط ديابه
بيعكسوكي ويضايقوكي
ينهشوا فيكي ومن غير رحمه
ويوماتي في الشارع تتكرر حتي وهو رايق مش زحمه
طاب ليه بقي تديهم الفرصه
خافي علي نفسك استري نفسك
دا الجزار بيغطي اللحمة
كوني مثال لمسيح جواكي
خليه دايما يبقي معاكي
حتي في لبسك وفي حركاتك
لحظه بلحظه في كل خطاكي
دا نقش إسمك علي كفيه
حاطك دايما جوة عنيه
بيحبك عمره ما ينساكي
لحظه بلحظه في كل خطاكي
بيحبك عمره ما ينساكي
ليست هناك تعليقات:
إرسال تعليق