صراع إنسان بلا إستئذان
وبيقولوا عليه ده جنان
وعقله عبارة عن أغصان
وجدره بعيد ومش معلوم
تشوف إعلان لشخصٍ ما
بيدي كلام كتير سماه
بالتنمية البشري
تشوف واحد بيتبسم فوش
الناس بلا إحساس كأنه
بيدي افيونة لواحد مات
يدوبك بس فاضله يشيل
ضله يوقف حركة الأنفاس
يشوف الضحكة يتبسم يحط
همومه جوة الدرج وبيقفل
بميت مفتاح ونفسه فيوم
يكون مرتاح
ويرمي عيوبه من الشباك
يقول انا كامل الأوصاف
يجيب عنده راجل مداح
بيمدح فيه لحد الصبح
يكرر نفسه كل صباح
انامؤمن بإن العقل يتقدم
لو الإنسان يجيب عيبه
ويرسمله جدارية
يقول الرسمة دي ليا
ولعيوبي اللي كانوا فيوم
بخبيهم بعيد عني بدون تفكير
ده لازم يوم يبينهم يواجه
نفسه بالواقع
بدون خرافات ورغي كتير
ساعات لما تشوف العيشة
إيجابية وكل الدنيا دي وردي
دي عادة احب اوضحها
فحد الذات دي سلبيه
ده لازم عيبك الأول
يبان اكتر
بدل ماتعيش بقيت عمرك
بوهم الضحكة متخدر
بدون غية
تعليقات