لقد نفذ رصيدكم.. بقلم د.ميرفت السيد
فيش حد بيتغير فجاه .. أكيد في مقدمات خلت الناس اللي كانت اقرب حد ليكم .. بقت ابعد حد عنكم ..
و دة مش حاجة حصلت في يوم و ليلة .. دة حصل بتراكم مواقف كلها وجع .. و سنين كلها ... و جمل من نوع ......
معلش ونسامح ..
و مفيش حاجة ..ونفوت ..
و يمكن ما يقصدوش و احتمال خانهم التعبير ..
و صعب نعاتب في الظروف دي ..
و غلطه واتعلموا منها و أكيد مش هاتتكرر ..
و معقوووله كدة ...باستغراب مرة ... و استنكار مرات ..
و دي عشرة و لا دي أخوه .. و لا صداقة ماتضيعش من موقف .... و كبري دماغك مشً هنقف لبعض ع الوحده .. و ..و..ومليووووون التمس لأخيك ٧٠ عذراااااا ..
بس فجاه نحس اننا بتقول .. لقد نفذ رصيدكم .. ال ٧٠٠ عذر خلصوا .. الوجع من كتر الآلم مبيقيناش حاسين بيه .. و الدنيا اللي ما كانتش بتمشي الا بيكم .. عرفتوا .. ايوةً انتم عرفتوا تخلونا نقدر نعيشها من غيركم .. قويتونا من غير ما تقصدوا .. بقينا نعرف نواجه من غير ما نجري نشرح و نبكي و محتاجين ايديكم اللي بتطبطب .. عرفنا نقف علي رجلينا لوحدنا .. من غير العكاز اللي كنا فاهمين انهً حديد .. طلع عكاز قش ..
مقدمات الوجع اللي ما اتعالجيتش بالدوا الصح .. خلت الوجع بقي عادي و اتعودنا شويه شويه ع الالم ....
و بقي اللي كان صعب زمان .. بقي عادي اوي دلوقتي ..
بقينا صنع ايديكم .. الحب و الخوف عليكم زمان بقي ماضي و كان .. .. بقينا مشً شايفينكم ولا قادرين نشوف غير اللي وريتهولنا في عز احتياجنا ....
و بوضوووووح ..
التغير .. رد فعل ..
التغيير .. احساس كلمه(
خلاااااص ومفيش فايدة)
يبقي نقطة .. و مفيش من أول السطر ..
تبقي صفحة و انتهيت القصة..
و كلمه النهاية.. و اننا نبقي ذكري جايه لا محاله....
و كلمه معلش مبقاش
لها معني و اللي ضاع ميتعوضش
و جمله غلطنا و مكناش فاهمين .. و لا لها تاثير ..
و الفرحة اللي محصليتش في وقتها .. مبقالهاش ولا أون .. ولا طعم
التغير مبيحصلش فجأه .. واللي بيتوجع عمره ما هيمشي في سكة وجعه مرتين ..
و الطريق اللي فاكرين هيفضل ضلمه .. علشان ربنا موجود ..اكيد في نهايتة سعادة وطاقه نور
ليست هناك تعليقات:
إرسال تعليق