هيام محمود
بيموت اغلي ناس في حياتنا وبتستمر الحياة..
بيخرج من حياتنا اكتر ناس احببناها واتعودنا عليهم ، والحياة بتمشي...
بنتجرح وبنتعب نفسيا من ناس كانت كل حاجه لينا ، والحياة بتستمر
اه بتستمر وبتمشي مستغربين ليه
بس
كل حد وهو خارج من حياتنا بياخد جزء مننا معاه ، كل حد بيسيب لنا جرح بنحاول ننساه لكن بيفضل وجعه موجود
ومحفور مكانه ، كل حد بيخرج ايده مش فاضية ، ابدا بيخرج وهو واخد جزء كبير مننا ، لحد ماتلاقي نفسك بقيت فاضي من جواك ، اه بقيت فاضي بردوا مستغرب
مابقاش جواك حتة احتمال تاني !!!
خلاص انت خلصت كل حاجه واستنفذت كل تحملك وصبرك واتحملت لحد ماخلاص مابقتش قادر تتحمل أي حاجة ، اللي مش مكانك ومش حاسس بيك هايقولك ده ضعف ايمان.
بس.... حابة اقولكم اوعوا تحكموا علي حد وانتم مش في مكانه واوعوا تكونوا قاضي وجلاد في نفس الوقت، لو مش قادرين تحسوا بمعاناة حد يبقي خليكم فى حالكم وبس
تعليقات
إرسال تعليق